2011.04.07 考慮?
首先我承認係呢件事上面係迫你多左
唔好意思

但係我睇完你篇野你完全令我覺得
我唔應該提醒你我地雷係邊
應該唔理成件事由個問題係度
等你下次再踩到喇就直接炸死你咁就係最好既解決方法

加上你好似覺得我冇考慮過呢件事係咪唔應該講出黎
講左出黎就會翻唔到轉頭
如果我冇考慮過我洗拖到琴日先同你講?我洗煩咁耐?
直接當日就炸死你算啦
定你覺得要拖多幾日先講就係有考慮過?
唔好講到好似得你會考慮其他人感受啦...
我可以肯定一樣野既係
我係真係覺得頂唔順有必要同你講
我先決定攤開成件事黎講既
我諗我未痴線到得閒冇野做屎忽痕搵件事黎講下
請你唔好講到好似我咩都冇考慮過諗過我就講出黎咁

你會嬲
你會暴噪
我諗我唔係第一日知亦都唔係冇諗過呢個位
你唔洗向我強調你會嬲
我同得你講我預左你嬲
但係咁係咪代表我唔洗同你講我頂唔順既位?
我要忍完當冇野
繼續嘻嘻哈哈
我諗個問題唔會消失架喎
定你覺得咩都唔同你講先係最好?
我唔係做唔到架
你要咁樣既..
我可以完完全全由得你
反正炸死既係你
而且我身分立場只係你朋友咋
炸親你我又唔會少舊肉或者多舊肉
定你覺得..
你被人踩中地雷係你既事你嬲係你既事
關我咩事?你唔開心你既事啦..做咩要同我講?

其次我唔知你翻唔到轉頭代表D咩啦
不過我諗我冇打算會講哈哈我都係收番我之前講既野
傻既可能會咁做既
我要講出黎係想比你知我感受唔想你再踩個黎
而唔係話咩有冇得翻轉頭

你自己都識講你有底線
我諗唔係得你有
如果講自己底線出黎係有問題既
咁唔好意思..
我講左喇
成件事即是我錯哂

你覺得咁樣就係朋友所謂既互相扶持?互相照顧?考慮對方感受既人?
我係當你朋友我先咁同你攤開件事黎講
你大可以唔聽唔理
但係問題一日係度佢一日都會爆
只不過係差在幾時
在我而言
朋友並唔係每個位都要忍
朋友唔係你親人啊
佢冇必要忍你架
因為佢只係你朋友
Secret

TrackBackURL
→http://kkisako.blog125.fc2.com/tb.php/21-e9185c23